DYA HÊRŞÊN ZÊDE LI SER ÎRANÊ QEDANDIN HATIN RAGIHANDIN

Fermandariya Navendî ya Hêzên Dewletên Yekbûyî (CENTCOM) ragihand ku operasyonên leşkerî yên zêde ku bi fermana Serok Donald Trump di 10’ê Hezîranê de li dijî armancên cuda yên li Îranê hatibûn destpêkirin, bi dawî bûne.

Di daxuyaniya CENTCOM de hate gotin ku di çarçoveya van operasyonan de pergalên çavdêriya leşkerî, şebekeyên ragihandinê û tesîsên parastina asmanî yên li herêmên cuda yên Îranê hatine armanckirin.

Li gorî daxuyaniyê, yekîneyên girêdayî Hêzên Deryayî, Hêzên Asmanî û Deryavaniya Amerîkayê bi çek û cebilxaneyên rast-armanc êrîş li cihên ku wek xeter ji bo hêzên Amerîkayê û keştiyên bazirganiyê yên navneteweyî hatine nirxandin, kirine.

CENTCOM îdia kir ku ev operasyon bersivek li hember çalakiyên êrîşkarî yên Îranê ye û diyar kir ku hêzên Amerîkayê li herêmê di asta amadebûna bilind de dimînin.

Herwiha hate gotin ku hêzên leşkerî yên Amerîkayê li hember her pêşveçûnekî gengaz di rewşa hişyariyê de ne û rewşa ewlehiyê ya herêmê piştî operasyonan bi baldarî tê şopandin.