PEYMANA BAZIRGANIYÊ YA NAVBERA YEKBÛNA EWROPAYÊ Û AMERÎKAYÊ BI FERMI HATE PEJRANDIN

27 welatên endamê Yekbûna Ewropayê peymana bazirganiyê ya ku sala borî bi Dewletên Yekbûyî yên Amerîkayê re hatibû muzakerekirin bi fermî pejirandin. Bi vî awayî rê ji bo ketina peymanê berî roja 4’ê Tîrmehê, ku ji aliyê Serokê Dewletên Yekbûyî Donald Trump ve wek demjimêr hatibû diyarkirin, hate vekirin.

Peyman berê jî ji aliyê Parlamentoya Ewropayê ve hatibû pejirandin. Lê di dema nîqaşan de hin mekanîzmayên parastina berjewendiyên aborî yên Ewropayê li peymanê hatin zêdekirin.

Li gor peymana ku hate pejirandin, Yekbûna Ewropayê dê piraniya bacên gumrikê yên li ser hilberên pîşesazî û çandiniyê yên ku ji Amerîkayê tên hatin rakirin. Ev gavek di civînên ku havîna borî li Turnberry ya Skotlandayê hatibûn lidarxistin de yek ji sozên bingehîn ên aliyê Ewropayê bû.

Di beramberê de, rêveberiya Washingtonê pejirand ku bacên zêde yên li ser hilberên Ewropayî di asta sedî 15 de bihêle.

Donald Trump berê rexne li Yekbûna Ewropayê kiribû ku pêvajoya pejirandinê hêdî dimeşîne û ji bo sepandina peymanê heta 4’ê Tîrmehê dem dane welatên Ewropayê. Ev dîrok di heman demê de bi 250’emîn salvegera damezrandina Dewletên Yekbûyî re têkildar e.

DI 2029’AN DE DÊ DÎSA WERE NIRXANDIN

Di meha Gulanê de, di encama muzakerên navbera welatên endam de, maddeyek dawiya peymanê hate zêdekirin. Li gor vê maddeyê, heke biryarek nû ya dirêjkirinê neyê girtin, peyman dê di dawiya sala 2029’an de bixweber biqede.

Ji aliyekî din ve, Komîsyona Ewropayê dê mafê rawestandina peymanê hebe heke rêveberiya Trump bacên zêde yên sedî 50 li ser sedan hilberên ku pola û aluminium tê de hene heta dawiya salê rake.

Bi ketina peymanê ya meriyetê, armanc ew e ku astengiyên bazirganiyê di navbera Yekbûna Ewropayê û Dewletên Yekbûyî de kêm bibin, hevkariya aborî xurtir bibe û qebareya bazirganiyê ya navbera her du aliyan mezintir bibe.