ÖZGÜR ÖZEL Û ZÊDEYÎ 90 PARLAMENTERVANAN JI CHP’Ê TÊN DERKETIN Û YENÎ PARTÎ AVA DIKIN

Serokê Koma CHP’yê Özgür Özel û zêdetirî 90 parlamenterên CHP’yê îro dê ji Partiya Gel a Komarparêz (CHP) îstifa bikin û pêvajoya damezrandina YENÎ Partîyê bi awayekî fermî dest pê bike.

Li gorî agahdariyan, di saet 10:00’an de Özgür Özel dê bi peyameke vîdyoyî ku li ser hesabê xwe yê medyaya civakî belav bike, biryara îstifayê ragihîne. Piştî vê daxuyaniyê tê payîn ku parlamenterên ku ji CHP’ê derdikevin tevlî partiya nû bibin.

Piştî îstifayan, Gül Çiftçi û Murat Emir dê daxwaza fermî ya damezrandina YENÎ Partîyê radestî Wezareta Karên Hundir bikin û bi vî awayî pêvajoya avakirina partiyê bi fermî dest pê bike.

Piştî radestkirina daxwazê, tê plan kirin ku Özgür Özel li Mizgefta Hacı Bayram-ı Veli nimêja Înê bike. Tê gotin ku ev gav referansek e ji nimêja Înê ya Mustafa Kemal Atatürk ku di 23’ê Nîsana 1920’an de berî vekirina Meclîsa Mezin a Tirkiyeyê li heman mizgeftê kiriye.

Di heman demê de, li gorî ajansa ANKA’yê, Encûmena Damezrîner a YENÎ Partîyê dê di saet 14:00’an de li Anadolu Kulübü di bin serokatiya Özgür Özel de yekem civîna xwe pêk bîne.

Di civîna yekem de tê payîn ku serokê giştî, organên partiyê û dûv re rêveberiya koma parlamentoyê bên diyarkirin.