LI CIZÎRÊ SÊRGOŞT: BI SLOGANAN HATIN

Bi pêşengiya MEBYA-DERê, ji bo gerîlayên HPG û YJA Star ên şehîd bûne li Cizîrê sêroşt hate sazkirin. Bi sedan welatiyan bi sloganên “Bijî Serok Apo” û “Şehîd namirin” hatin cihê sêroştê.

Bi pêşengiya MEBYA-DERê ji bo gerîlayên şehîd ên HPG/YJA Star li Cizîrê sêroşt hate sazkirin. Li ber avahiya şaxa DEM Partiyê ya navçeyê sêroşt hate sazkirin. Wêneyên Serok Apo û şehîdan bi gulan û alayên kesk û sor û zer li ser maseyan hatin danîn.

Herwiha posterên mezin ên ku wêneyên gerîlayên şehîd lê hebûn li cihê sêroştê hatin vekirin. Ji malbatên şehîdan re, herwiha nûnerên partiyên siyasî û rêxistinên civakî û bi sedan welatiyan beşdarî sêroştê bûn.

Sêroşt ku di saet 09.00an de dest pê bike dihate plankirin, welatiyan ji saetên berê ve hatin û serxweşiya xwe ji malbatên şehîdan re anîn.

Bi sedan kesan postera şehîd Mehmet Halil Özen (Serxwebûn Botan) hildan û bi sloganên “Bijî Serok Apo” û “Şehîd namirin” hatin cihê sêroştê. Dayik û welatiyên ku sêroşt digirtin jî bi slogan û zîlgotan bersiva hatinan dan.