KOREYA BAŞÛR, JI BER BALAFIRÊN LEŞKERÎ YÊN RÛSYAYÊ BALAFIRÊN ŞER HILANÎN

Koreya Başûrê, piştî ku gelek balafirên leşkerî yên Rûsyayê ketin herêma nasîna parastina hewayî (ADIZ), balafirên şer ên xwe hilanîn.

Wezareta Parastinê ya Koreya Başûrê ragihand ku balafirên leşkerî yên Rûsyayê ketine herêma nasîna parastina hewayî ya welatê ku li ser Deryaya Japonê ye û paşê ji herêmê derketine.

Seûlê bi taybetî destnîşan kir ku ev bûyer nayê wê wateyê ku asîmana serweriya welatê hatiye binpêkirin. Herêma nasîna parastina hewayî ne beşek ji asîmana serweriya welatekî ye; ew herêmek tampon e ku ji bo ewlekariyê balafirên biyanî tê hêvîkirin ku xwe nas bikin.

Her çend agahdarkirina welatê têkildar berî ketina balafirên leşkerî bo vê herêmê pratîkeke asayî be jî, tê gotin ku ev di warê hiqûqa navneteweyî de mecbûrî nîne.

Wezareta Parastinê ya Koreya Başûrê ragihand ku piştî ketina balafirên Rûsyayê bo herêmê, balafirên şer ên Hêza Hewayî ji bo “her cure rewşê” hatin hilanîn.

DI HEZÎRANÊ DE JÎ BÛYEREKE HEVBEJÎ HATIBÛ JIYÎN

Di meha Hezîranê de, zêdetirî 10 balafirên leşkerî yên Çîn û Rûsyayê ketibûn herêma nasîna parastina hewayî ya Koreya Başûrê, lê asîmana welat nebinpêkiribû.

Pekinê ragihand ku van firînên hevbeş li ser Deryaya Japonê, Deryaya Rojhilatê ya Çînê û Pasîfîka Rojavayî di çarçoveya “patrûla hewayî ya stratejîk” de hatine kirin.

Moskova jî parast ku operasyon di çarçoveya hevkariya leşkerî ya rutin de hatiye kirin û welatekî sêyemîn ne hedef digire.

Seûlê jî protestoyên dîplomatîk ji Moskova û Pekinê re şandin û daxwaz kir ku bûyerên bi vî rengî dubare nebin.