ÎNGILÎSTAN: LI TENGAVA HORMUZÊ KEŞTIYEK HAT XWEDANKIRIN, DI NAV EKÎBÊ DE WINDAYÎ HENE

Operasyonên Bazirganiya Deryayî ya Îngilîstanê (UKMTO) ragihand ku li Tengava Hormuzê odeya motorê ya keştiyekê ji aliyê tiştekî nenas ve hatiye xistin û di bûyerê de di nav ekîbê de windayî çêbûne.

Di daxuyaniya nivîskî ya UKMTO de hat gotin ku tiştekî nenas li odeya motorê ya keştiyê ketiyê. Piştî bûyerê, hate ragihandin ku di nav endamên ekîbê de hin kesan jiyana xwe ji dest dane an jî birîndar bûne. Herwiha hate diyar kirin ku endamên din ên ekîbê yên li ser keştiyê ji aliyê hêzên Ewlehiya Peravê ya Omanê ve têne rizgarkirin.

Hat ragihandin ku rayedar ji bo tesbîtkirina hûrguliyên bûyerê û mezinahiya wê lêkolînên xwe didomînin.

Tengava Hormuzê yek ji girîngtirîn derbasgeha rêwîtiya deryayî ya di navbera welatên Kendava û Kendava Omanê de ye. Di van demên dawî de li herêmê êrîşên li ser keştiyan û metirsiyên ewlehiyê zêde bûne.