BI BAFIL TALABANÎ Û BALYOZA TIRKIYEYÊ LI BAGDAYÊ LI HEWLÊRÊ PÊŞKETINÊN HERÊMÎ AXIVÎN

Serokê Yekîtiya Niştimanî ya Kurdistanê (KYB), Bafıl Talabanî, li Hewlêrê bi Balyoza Tirkiyeyê li Bagdayê, Anıl Bora İnan re civînek pêk anî. Di civînê de pêvajoya avakirina hikûmetê li Herêma Kurdistanê, têkiliyên Hewlêr-Bexda, rewşa Kerkûkê û pêşxistina têkiliyên Tirkiyeyê bi Iraqê re hatin nîqaşkirin.

Li gor daxuyaniya Ofîsa Bafıl Talabanî, Cêgirê Serokwezîr Kubad Talabanî û Konsolosê Giştî yê Tirkiyeyê li Hewlêrê Erman Topçu jî beşdarî civînê bûn.

Talabanî di derbarê avakirina hikûmeta nû de got ku divê hikûmeta dahatûyê li ser bingehê hevsengî û hevpariyê were avakirin.

Wî her weha girîngiya çareserkirina pirsgirêkên di navbera Hewlêr û Bexdayê de li gorî bingehên destûrî xist ber çavan û got ku başbûna têkiliyan di demên dawî de karîgeriyeke erênî li ser xizmeta gel û aramiya giştî çêkiriye.

Rewşa Kerkûkê jî yek ji mijarên sereke yên civînê bû. Daxuyanî diyar kir ku Balyoz Anıl Bora İnan ji bo hewildanên Bafıl Talabanî û KYB’yê yên nêzîkkirina aliyan û xurtkirina çanda jiyana hevbeş spasî kir.

Her wiha hat ragihandin ku İnan lihevhatinên siyasî yên li Kerkûkê wek gavek girîng ji bo xizmeta bajarê û xurtkirina biratiya civakî nirxand.

Di dawiya civînê de aliyan bal kişandin ser pêşxistina têkiliyên navbera Iraqê, Herêma Kurdistanê û Tirkiyeyê li ser bingeha berjewendiyên hevpar.