SUNNIYAN DAXWAZÊN XWE BO HIKÛMETA NÛ LI BAĞDAYÊ PÊŞKEŞ KIRIN

Di Iraqê de pêvajoya avakirina hikûmeta nû dewam dike, Konseya Siyasî ya Neteweyî ya Sunniyan nexşeya rê ya daxwaz û hêviyên xwe pêşkêşî namzedê serokwezîran Ali Falih Zeydi kir.

Piştî civîna ku di 6’ê Gulanê 2026’an de bi beşdariya pênc aliyên siyasî hate lidarxistin, di daxuyaniyê de hat gotin ku daxwazên Sunniyan ji bo cihgirtina di bernameya hikûmeta nû de hatine şandin.

Sunniyan her wiha ragihandin ku ji bo civîna baweriyê ya parlamentoyê amade ne ku bi tevahî beşdar bibin.

“EM LI GORÎ ENCAMA HILBIJARTINAN 6 WEZARETAN DIXWAZIN”

Berpirsyarê Hevbendiya Azimê, Muhammed Fehdawi, got ku daxwazên wan bi daxwazên ku di dema hikûmeta Muhammed Şiya Sudani de hatibûn pêşkêşkirin pir nêzîk in.

Wî got ku li gorî encamên hilbijartinan 6 wezaretan dixwazin ku ji aliyê Sunniyan re bên dayîn.

Di nav daxwazên wan de vegera koçberan, dayîna tezmînatê ji bo qurbaniyên şerê, derxistina yasaya efûyê giştî û çareserkirina dosyeya “Hesab û Dadmendî” jî heye.