PJAK: EM HÊN BÊTIR NÊZÎKÎ AZADIYÊ BÛN

Partiya Jiyana Azad a Kurdistanê (PJAK) di daxuyaniyeke de ji bo 22’emîn salvegera xwe û rojbûna 77’emîn a Abdullah Öcalan, ragihand ku têkoşîna azadiyê bi azmê didome.

Di peyamê de hat gotin ku 22 salên borî bi têkoşînek giran derbas bûne û salveger li gel gelê Kurd, malbatên şehîdan û kesên demokrat pîroz hat kirin.

PJAK diyar kir ku armanca damezrandinê ya partiyê avakirina jiyaneke azad ji bo gelê Kurd û parastina mafên gelên bindest e.

Partiyê damezrandina xwe wek “destpêka vejînê ya civakî” binav kir û got ku bi saya têkoşînê gelek destkeftin hatine bi dest xistin.

Her wiha hate bal kişandin ser ku fedakarî û xebata kadro û hêzên gerîla di vê pêşketinê de rolek girîng lîstin.

Di dawiyê de, PJAK diyar kir ku gelê Kurd her roj nêzîktirî azadiyê dibe û ev rê bi berdewamî dê bidome.