JI DEM PARTIYÊ REAKSİYON LI SER ÊRÎŞÊN LI SER KARKERÊN KURD ÊN DEMSALÎ

DEM Partî li ser êrîşên li ser karkerên Kurd ên demsalî li Zonguldak û Düzceyê reaksiyon nîşan da û xwest ku êrîş bi hemû aliyên xwe ve bêne lêkolînkirin û kesên berpirsiyar û heke provokatör hebin, li ber qanûnê hesab bidin.

Partiya Wekhevî û Demokrasiya Gelan (DEM Partî) di hesabê xwe yê medyaya civakî de daxuyaniyek li ser êrîşên li ser karkerên Kurd ên demsalî li Zonguldak û Düzceyê belav kir.

Di daxuyaniyê de hate diyarkirin ku êrîş nayên qebûlkirin û ev bûyer nikarin wekî bûyerên tenê bên nirxandin. Hate bal kişandin ser encamên xeter ên zihniyeta nijadperest û cudaker a van êrîşan.

Di daxuyaniyê de hate gotin: “Di vê dema hestiyar a ku em tê re derbas dibin de, divê derfet neyê dayîn kesên ku dixwazin gelan li hember hev bikin. Kes nikare hemwelatiyên me yên Kurd li welatê xwe tehdît bike, wan bike hedef û destdirêjiya mafê wan ê jiyan û kar bike.”

DEM Partî bang li desthilatdarên têkildar kir ku êrîşan bi hemû aliyên wan ve lêkolîn bikin û diyar kir ku divê kesên berpirsiyar û heke provokatör hebin, li ber qanûnê hesab bidin.

“EM LI BER NIJADPERESIYÊ NEBÊDENG IN”

Di daxuyaniyê de her kes hat vexwendin ku li hember provokasyonan bi aqil û aramî tevbigere û îradeya jiyana hevpar xurt bike.

DEM Partî got: “Em li ber nijadperestiyê nebêdeng in, hemwelatiyên ku hatine êrîşkirin tenê nahêlin. Wekî DEM Partî em ê şopdarê van êrîşan bin û li dijî nijadperestî û sûcên nefretê bi biryardarî têkoşîna xwe bidomînin.”