ÎRANÊ RAGIHAND KU LI TENGAVIYA HORMUZÊ LI DU GEMIYAN MUDAXELE KIR

Artêşa Pasdarên Şoreşa Îranê (DMO) ragihand ku du gemiyên ku di Tengaviya Hormuzê de diherikîn, pergala xwe ya Naskirina Otomatîk (AIS) girtine û hewl dane ji rêça deryayî ya ku Îran diyarkiriye derkevin. Li gor daxuyaniyê, hêzên ewlekariyê li van her du gemiyan mudaxele kirin.

Di daxuyaniya DMO de hate gotin ku her du gemiyan pergala AISê neçalak kiribûn û li derveyî rêça diyarkirî hereket dikirin. Hêzên Pasdar jî gihiştina wan rawestand û tedbîrên pêwîst girtin.

Piştî vê bûyerê, tengezariya li herêmê dîsa zêde bû. Medyayên Îranê îdia kirin ku artêşa Amerîkayê êrîşên li peravên başûrê Îranê pêk aniye.

Di heman raporan de hate gotin ku Hêzên Çekdar ên Îranê jî wekî bersiv, depoyên mûşek û sotemeniyê li Baregeha Hewayî ya Prens Hasan li Urdunê bi mûşek û balafirên bêmirov (ÎHA) armanc girtine.

Li ser van îdiayan heta niha ji aliyên têkildar an jî çavkaniyên serbixwe ve tu piştrastkirina fermî ya berfireh nehatiye kirin. Pêşveçûnên herêmê tên şopandin.