BARRACK JI ŞAMÊ RE PEYAMA DİYALOGÊ DA: CEZAYÊN ABORÎ “JI BO KU LI SÛRIYÊ ŞANSEK WERE DAYÎN” HATIN RAKIRIN

Nûnerê Taybet ê Dewletên Yekbûyî yên Amerîkayê ji bo Sûriyê û Sefîrê Amerîkayê li Tirkiyê, Tom Barrack, piştî civînên xwe yên li Şamê bi rayedarên Hikûmeta Derbasbûna Sûriyê re, bang kir ku aliyên têkildar vegerin diyaloqê. Barrack got ku cezayên li dijî Sûriyê, ji bo ku li pêvajoya derbasbûnê “şansek were dayîn”, hatine rakirin.

Barrack, bi navê Serokê Dewletên Yekbûyî yên Amerîkayê Donald Trump û Wezîrê Derve yê Amerîkayê Marco Rubio, li Şamê bi Serokê Hikûmeta Derbasbûna Sûriyê Ahmed el-Şara, Wezîrê Derve Esad el-Şeybanî û rayedarên bilind re civiyan kir. Di van civînan de bi taybetî êrîşên dawî yên li Helebê û tansiyona zêdebûyî hate gotûbêjkirin.

Barrack di daxuyaniya xwe ya li ser torên civakî de got ku Serok Trump ev dem “wekî derfetek girîng ji bo Sûriyeke nû” dibîne. Wî diyar kir ku Trump, Sûriyeke yekgirtî yê ku li wir Arab, Kurd, Dûrzî, Xiristiyan, Elewî, Tirkmen, Suryanî û hemû komên din bi rêz û rûmet werin muamele kirin û bi awayekî bi wate di saziyên rêveberî û ewlehiyê de beşdar bibin, piştgirî dike. Di vê çarçoveyê de, got ku destûr hate dayîn ku cezayan werin rakirin. Barrack her weha destnîşan kir ku rêveberiya Amerîkayê piştgirî dide Hikûmeta Derbasbûna Sûriyê ya bi serokatiya Ahmed el-Şara ji bo aramkirina welat û nûavakirina saziyên neteweyî.

“QSD li peymana xwe girêdayî ye”

Barrack got ku hewlên Amerîkayê di şerê li dijî DAIŞê û di teşwîqkirina aramiyê li Sûriyê de berdewam in û ev hewl hevkariya bi Hêzên Sûriya Demokratîk (QSD) jî dihewîne. Wî bîr anî ku QSD di şerê li dijî terorê de bedelên giran daye û diyar kir ku li peymana entegrasyona ku di Adara 2025’an de hate îmzekirin û ku tê de entegrasyona hêzên QSD di saziyên neteweyî de bi awayekî ku mafên Kurdan biparêze û yekîtî û serxwebûna Sûriyê xurt bike, girêdayîtiya wan hate piştrastkirin.

Lê Barrack her weha got ku pêşketinên dawî yên li Helebê ruhê vê peymanê zor dikin û ev rewş fikaraneke mezin çêkir. Wî bang kir ku hemû aliyên xweparêz bin, şer bi lez rawestînin û li gorî peymanên ku di 10’ê Adarê û 1’ê Nîsanê 2025’an de di navbera Hikûmeta Sûriyê û QSD de hatine destnîşankirin, vegerin rêya diyaloqê.

Bang ji civaka navneteweyî re

Barrack got ku şîdet pêşketina ku piştî hilweşandina rejîma Esedê hate bidestxistin di xeterê de dixe û rê li ber destwerdanên derve yên ku tu alî ji wan sûdê nabîne vedike. Wî diyar kir ku tîma Wezîrê Derve Rubio amade ye ku di navbera Hikûmeta Sûriyê û QSD de angajmaneke avaker bişopîne û pêvajoyeke entegrasyona ku yek serwerî, yek artêşa neteweyî ya meşrû û rêz li yekîtîya welatê digire, piştgirî bike.

Di dawiya daxuyaniyê de, Barrack li armanca Sûriyeke serwer, yekgirtî û bi cîranên xwe re di aştiyê de jiyan dike bal kişand û bang li welatên herêmê û civaka navneteweyî kir ku ji bo bi cih anîna vê vîzyonê hevkarî û piştgirî bidin.