BANGA NÛ YA ABDULLAH ÖCALANÊ DI 27’Ê SIBATÊ DE TÊ RAGIHANDIN

Halkların Eşitlik ve Demokrasi Partisi (DEM Parti) piştî civîna dawî ya li Îmraliyê hat kirin, xwe amade dike ku daxuyaniyek nû ji raya giştî re bike. Rêberiya partiyê ragihand ku peyama nû ya Abdullah Öcalan a li ser pêvajoyê dê di 27’ê Sibatê de li Ankarayê were ragihandin.

Endamên Heyeta Îmraliyê ya DEM Partiyê bi hev re bi hevserokên partiyê Tülay Hatimoğulları û Tuncer Bakırhan dê di 27’ê Sibatê, Roja Înê, saet 11:00’an de di civîna ku tê lidarxistin de nirxandinên Öcalan bi raya giştî re parve bikin. Tê gotin ku ev daxuyanî li ser salvegera yekem a “Banga Aştî û Civaka Demokratîk” a ku Öcalan di 27’ê Sibatê 2025’an de kiribû, hatiye hilbijartin.

Li gorî çavkaniyên partiyê, di civînê de tenê peyama nû nayê xwendin; di heman demê de dê bilanço ya salekê ya pêvajoyê jî were nirxandin. Di çarçoveya “Pêvajoya Aştî û Civaka Demokratîk” de, asta ku hatîye gihiştin, rewşa dawî ya çareseriya demokratîk a pirsgirêka Kurd û gavên ku pêdivî ne bêne avêtin dê bi awayekî berfireh were nirxandin.

Herwiha tê bendewar kirin ku çarçoveya qonaxa ku Öcalan di civîna dawî de bi navê “qonaxa duyemîn” gotibû, were ragihandin. Di vê beşê de, bingehên gavên siyasî û civakî yên pêdivî têne vegotin.

Li çalakiya ku li Ankarayê dê pêk were, ji rêxistinên civaka sivîl, partiyên siyasî, ronakbîr, nivîskar û rojnamevanan gelek mêvanan beşdar bibin tê bendewar kirin. Daxuyanî dê ji bo nîqaşên li ser pirsgirêka Kurd û jî ji bo atmosfera siyasî ya Tirkiyeyê girîng be.