TRUMP: “HEKE GELÊ ÎRANÊ BI RIZA PEHLEVÎ QEBÛL BIKE, JI BO MIN PIRSGIRÊK NÎNE”

Serokê Dewletên Yekbûyî yên Amerîkayê Donald Trump, di demeke ku li Îranê xwepêşandanên gelê didomin, di daxuyaniyên xwe de li ser pêşeroja siyasî ya Îranê û li ser Riza Pehlevî, kurê Şahê berê yê Îranê, rawestiye.

Trump di hevpeyvînek taybet a ku bi ajansa nûçeyê Reuters re kir de got ku ew Riza Pehlevî bi kesane kesekî baş dibîne, lê her weha diyar kir ku hêj nizanî ew li nav civaka Îranê çend tê qebûlkirin.

Trump got:
“Ez bi rastî nizanim ew dê li welatê xwe çi rolê bigire. Ez ne piştrast im gelo gelê Îranê wê wekî serok qebûl bike an na. Lê heke wan qebûl kir, ev ji bo min pirsgirêk nî ye, heta jî dikare tiştek baş be.”

Her çend Trump berê xwepêşandanên Îranê piştgirî kiribe jî, ew ji dayîna piştgiriya vekirî bo Riza Pehlevî dûr rawestiye û got ku rêveberiya Washingtonê hêj li ser vê mijarê rêbazek zelal nediye holê. Trump got: “Hê em ne gihîştine wê astê.”

“Tu rejîm her dem nayê domandin”

Trump her weha li ser rêjîma heyî ya Îranê jî axivî û got ku tu rejîm her dem nemîne. “Her rejîm dikare hilweşe,” got Trump û rewşa Îranê wekî “demekî girîng û balkêş a dîrokê” binav kir.

Wî her weha bîranî ku hefteya borî jî gotibû ku tu planê wî yê civînê bi Riza Pehlevî re tune ye û vê gotinê dîsa dubare kir.

Daxuyaniya baldar ji Qesra Spî

Trump di daxuyaniyek din de ku li Qesra Spî kir, got ku wî agahdarî wergirt ku li Îranê “kuştin û amadekariyên îdamê li dijî xwepêşandaran rawestiyane.” Wî got ku li ser rastîya van agahdariyan bi baldarî tê seyrkirin.

19 welatan bangê derketinê kir

Di encama girêdayî û metirsîya şer de, heta niha 19 welatan ji welatiyên xwe xwestiye ku Îranê bihêlin. Nav wan welatan de Amerîka, Kanada, Brîtanya, Almanya, Fransa, Avusturalya, Çekya, Swêd, Fînlenda, Norwêc, Îtalya, Polonya, Japonya, Koreya Başûr, Hindistan, Malezya, Romanya, Bulgaristan û Spanya hene.