MECLÎSA JINAN A DEM PARTIYÊ: EM Ê NEHÊLIN KU LI SER KUŞTINA ROJÎN KABAÎŞÊ SERGIRTÎ BÊ

Meclîsa Jinan a DEM Partiyê bang li wezaretên Tenduristî û Dadê kir ku di lêkolîna mirina Rojîn Kabaîş de derketine holê, bi berfirehî bêne lêkolînkirin. Di daxuyaniyê de hate gotin ku di zik û organên hundirîn ên Kabaîş de madeyên dermanên bi navên Rocuronium û Ornidazole hatine dîtin û bang li Wezareta Tenduristiyê û Wezareta Dadê hate kirin ku lêkolîn bi awayekî çalak û berfireh bê birêvebirin.

Meclîsa Jinan a DEM Partiyê derbarê lêkolîna mirina Rojîn Kabaîş de daxuyaniyek nivîskî da. Di daxuyaniyê de hate îddîakirin ku kuştinên jinan ji aliyê saziyên dewletê ve tên veşartin û dosyaya Kabaîşê jî wek nimûneyek ji vê yekê hate nîşandan.

Di daxuyaniyê de ji daxuyaniya Waliyê Wanê yê wê demê re jî nerazîbûn hate nîşandan; waliyê berî ku otopsî bê kirin, mirina Kabaîşê wek “xwekuştin” bi nav kiribû.

“HER ROJ DELÎLÊN NÛ DERDİKEVIN”

Meclîsa Jinan a DEM Partiyê da zanîn ku di lêkolîna mirina Rojîn Kabaîş de her roj delîlên nû derdikevin holê. Li gorî daxuyaniyê, bêdengiya Wezareta Tenduristiyê û Wezareta Dadê nîşan dide ku lêkolîn bi awayekî çalak nehatiye meşandin.

Di daxuyaniyê de bi rapora otopsiyê ya ku ji aliyê Enstîtuya Dermanê Dadwerî ve hat amadekirin hate sekinandin û hate gotin ku di zik û organên hundirîn ên Rojîn Kabaîş de madeyên dermanên Rocuronium û Ornidazole hatine tesbîtkirin.

DEM Partiyê îddîa kir ku tevî van delîlan, dosya du salan e ku nehatiye zelalkirin.

PIRSÊN JI WEZARETAN RE

Meclîsa Jinan a DEM Partiyê ev pirs ji Wezareta Tenduristiyê û Wezareta Dadê re kir:

• Madeyên dermanên ku di zik û organên hundirîn ên Rojîn Kabaîş de hatine dîtin ji ku derê hatine?
• Kî û kengê van dermanan daye Kabaîşê?
• Ma qeyda nexweşxaneya ku emeliyat lê hatiye kirin hatiye lêkolînkirin?
• Ma agahiyên bijîşk û xebatkarên tenduristiyê yên wezîfedarkirî hatine standin?
• Çima van delîlan di navbera du salan de nehatine kirin mijara lêkolînek berfireh?

“RONAKIRINA DOSYAYÊ DEYNÊ DESTHILATÊ YE LI SER JINAN”

Meclîsa Jinan a DEM Partiyê diyar kir ku bersivdana van pirsan dê di têkoşîna li dijî kuştina jinan û şîdeta li dijî jinan de gavekî cidî be.

Di daxuyaniyê de hate gotin: “Ronakirina kuştina Rojîn Kabaîşê deynê vê desthilatê ye li ser jinan” û hate destnîşankirin ku ew ê nehêlin ku dosya bê sergirtin.