MECLÎSA BILIND ALEVÎYAN: BERPIRSIYARIYA ERÎŞA LI HUMUSÊ LI SER HUKÛMETA DERBASKER A SÛRIYÊ YE

Meclîsa Bilind a Alevîyan erîşa ku li Humusê mizgefta Îmam Elî bin Ebû Talib armanc kir bi gotinên tund şermezar kir û berpirsiyariya wê bi ser Hukûmeta Derbasker a Sûriyê da. Meclîs jî civaka navneteweyî bi lez bang kir ku ji bo parastina sivîlan tevdigerin.

Di daxuyaniya ku ji aliyê Meclîsa Bilind a Alevîyan, ku Aleviyên li Sûriyê û li derve welatê temsîl dike, hat weşandin de, hate destnîşan kir ku erîşa li mizgefta ku li herêma Wadî El Deheb a Humusê ye, bûyerên ku bi windabûna jiyan û birîndarîya sivîlan encam da û ev bûyer wekî “erîşeke terorîstî ya aşkere” hate binavkirin.

Meclîs di daxuyaniyê de bal kişand ser vê yekê ku ev erîş beşeke ji polîtîkaya şîdetê ya ku li dijî civaka Alevî tê meşandin e. Hat gotin ku ev polîtîka bi rêbazên koçberkirina bi zorê, kuştin, birçîkirin, derxistina ji war û gotinên nefretiyê tê domandin.

Meclîsa Bilind a Alevîyan diyar kir ku patlama li Humusê ne bûyerî yekemîne, û divê bi erîşên li Tedmurê ku leşkerên Amerîkayê armanc kirin û bi patlamên li Dêra Mar Îlyas a li Şamê re bi hev re were nirxandin.

Meclîs berpirsiyariya erîşê rasterast li ser Hukûmeta Derbasker a Sûriyê danîn û got ku ev bûyer encama polîtîkayên hukûmetê, provokasyonên wê û sepandina rêbazên tund in.

Di dawiya daxuyaniyê de, Meclîs Konseya Ewlehiyê ya Neteweyên Yekbûyî û rêxistinên navneteweyî û biryarderanan bang kir ku ji bo parastina herêmên qeraxa Sûriyê, sepandina biryara 2799’an û avakirina pergaleke siyasî ya federatîf û ne-merkezî were çalak kirin. Meclîs diyar kir ku li dijî berdewamiyê van sûcan divê rawesteke bihêz were nîşandan û ku ji bo rijandina xwînê sînorên sebrê hene û rûmeta gelan nikare her tim were binpêkirin.