Lİ REQA’YÊ ENDAMEKÎ DAÎŞÊ HAT GİRTİN

Hêzên Sûriya Demokratîk (QSD) ragihandin ku bi piştgiriya Hêzên Koalîsyona Navneteweyî, di operasyoneke ewlehiyê ya li gundewarê Reqa’yê de endamekî DAÎŞê hat girtin.

Li gorî daxuyaniya Navenda Ragihandinê ya QSD’yê, Tîmên Operasyona Askerî (TOL) yên bi QSD re girêdayî û bi beşdariya Hêzên Koalîsyona Navneteweyî operasyoneke hevbeş li gundê Meşleb yê girêdayî Reqa’yê pêk anîn û di encamê de endamekî DAÎŞê girtin. Di operasyona de, gelek çek, hin madeyên têkçûnê (narkotîk) û amûrên têkiliyê hatin desteserkirin.

Di daxuyaniyê de hat gotin ku kesê ku navê wî Xelef Hisên Îbrahîm El Îd e hat girtin û wî di lêpirsînê de îtîraf kir ku endamê şaneyeke teqînê ya DAÎŞê bûye. Hat diyarkirin ku ev endamê DAÎŞê berê di gelek êrîşan de beşdar bûye û ji bo armancgirtina Hêzên Koalîsyona Navneteweyî di çêkirin û danîna mînan de rolek çalak lîst.