LI BNAN Û ÎSRAÎL DÎSA LI MASAYÊ NE: BEYRÛT DIXWAZE AGIRBEST WERE DIRÊJKIRIN

Li Washingtonê, îro heyetên Lübnan û İsrail ji bo dawîkirina şerê dîsa li hev dicivin. Di vê civînê de ku agirbesta demkî ya ku divê roja Yekşemê biqede tê nirxandin, hêvî tê kirin ku rêveberiya Beyrûtê daxwaza dirêjkirina agirbestê ji bo mehekî din bike.

Marco Rubio mêvandariya civînê dike û li gel balyozên Lübnan û Îsraîlê, Mike Huckabee jî beşdar dibe.

Ev civîn, piştî civîna 14ê Nîsanê, ji sala 1993’an ve cara duyemîn e ku di asta bilind de rû bi rû tê lidarxistin.

Wezareta Derve ya Îsraîlê got ku wan bi dewleta Lübnanê re pirsgirêkek girîng tune. Gideon Sa’ar got ku astengiya sereke li ber aştiyê Hizbullah ye û bang li hukûmeta Lübnanê kir ku li dijî wê hevkarî bike.

Hizbullah jî ev danûstandin red kir û got ku beşdar nabe.

Di heman demê de, şîdet li erdê berdewam dike. Di êrîşên asmanî yên Îsraîlê de li ser Lübnanê, di nav wan de rojnamevan Emel Halil û 5 kes jiyana xwe winda kirin.

Îsraîl dibêje ku di çarçoveya agirbestê de mafê operasyonê li dijî her tehditê heye.

Rayedarekî Lübnanî ji AFP re got ku daxwazên wan ev in: dirêjkirina agirbestê ji bo mehekî din, rawestandina bombardeman û peymanek aştiyê ya demdirêj.

Şer di navbera Îsraîl û Hizbullah de di 2ê Adarê de dest pê kir, piştî ku Hizbullah ji bo bersiva kuştina Ali Hamaney fûze avêtin Îsraîlê.

Ji wê demê ve, li Lübnanê 2454 kes mirine û zêdetir ji milyonek kes malên xwe terikandine.

Ev civîn piştî ku Donald Trump ragihand ku agirbesta navbera Washington û Tehranê dirêj kiriye, tê lidarxistin.