IRAQ: SÎNORÊN ME YÊN DERYAYÎ PİRSGİRÊKA SERWERİYÊ NE, DESTWERDAN NAYÊ QEBÛLKİRİN

Wezareta Derve ya Iraqê ragihand ku şandina koordînatanên sînorên deryayî yên welêt bo Neteweyên Yekbûyî biryara hukûmetê ye û li ser bingehên hiqûqî yên neteweyî û navneteweyî hatiye avakirin. Wezaretê bal kişand ku diyarkirina qada mafên deryayî di çarçoveya mafên serweriyê yên Iraqê de ye û tu dewlet nikare di vê pêvajoyê de destwerdan bike.

Di daxuyaniyê de hate gotin ku ev gav li gorî biryara 266 ya sala 2025’an a Encûmena Wezîran hatiye avêtin û piştî temamkirina prosedurên hiqûqî hatîye sepandin. Nexşeya sînorên deryayî li ber Neteweyên Yekbûyî, di çarçoveya Peymana Hiqûqa Deryayê ya Neteweyên Yekbûyî (1982) de hate pêşkêşkirin.

Wezaretê diyar kir ku koordînatanên hatine diyarkirin li gorî guhertinên nû yên hiqûqa deryayê ya navneteweyî hatine amadekirin û li ser xebatên teknîkî yên berfireh têne dayîn. Hat xwestin ku diyarkirina qada deryayî bi tevahî pirsgirêka serweriyê ye.

Ji aliyekî din ve, hukûmeta Kuweytê di 21’ê Sibatê de bi awayekî fermî li dijî biryara Iraqê nerazîbûna xwe ragihand. Kuweytê îdîa kir ku nexşeyên nû destdirêjî li ser serweriya wî ya bejayî û deryayî ne.

Li ser van pêşveçûnan, Wezîrê Derve yê Iraqê Fuad Huseyn û Wezîrê Derve yê Umanê Bedr bin Hamed el-Busaidi di navbera xwe de telefonî civîn kirin. Aliyê Iraqê bîranîn kir ku di sala 2014’an de Kuweytê bê şêwirandina Iraqê nexşeya sînorên xwe yên deryayî şandibû Neteweyên Yekbûyî û di wê demê de hukûmeta Iraqê li dijî vê gavê nerazîbûn nîşan dabû.

Bağdadê dîsa dubare kir ku pêvajo di çarçoveya hiqûqa navneteweyî de tê meşandin û biryara li ser sînorên deryayî di çarçoveya mafên serweriyê yên welêt de tê nirxandin.