HEYETÊN AMERÎKA Û ÎRANÊ LI DOHA YÊN HEVDÎTÎNÊ NE DIYAR E

Li ser civîna ku tê gotin îro li paytexta Qatarê Doha di navbera Îran û Amerîkayê de dê pêk were, daxuyaniyên cihê ji herdu aliyan hatin. Her çend gotegotên diplomatik berdewam in, Tehranê got ku tu plana civîna bi Amerîkayê re tune ye, lê Serokê Dewletên Yekbûyî Donald Trump ragihand ku civîn dê îro pêk were.

Piştî êrîşên fuzeyî yên hevdu yên dawiya hefteyê, nezelaliya li ser domandina agirbestê berdewam e. Hat ragihandin ku heyetên herdu welatan ber bi Doha ve çûne, lê daxuyaniyên dijber ên herdu aliyan hîn jî ne diyar dikin ka civîn dê pêk were yan na.

Donald Trump got ku Îran daxwaza civînê kiriye û civîna Doha dibe ku girîng be. Wî got: “Dibe ku ev civîn pir girîng be, dibe ku nebe. Em ê bibînin.”

Sözcûya Qesra Spî Karoline Leavitt jî ragihand ku Steve Witkoff û Jared Kushner wekî serokên heyeta muzakereyê ber bi Qatarê ve diçin.

Di aliyê din de, berdevkê Wezareta Derve ya Îranê Esmaeil Baghaei got ku heyeta ku Doha çûye ji bo civîna bi Amerîkayê neye şandin. Wî diyar kir ku di rojên pêş de bi Washingtonê re di tu astê de muzakere nayê kirin.

Li gor çavkaniyên diplomatik, dirêjkirina agirbestê ya ku di nîsanê de hate ragihandin, bernameya nukleerî ya Îranê û pêkanîna peymana 14 xalî di nav mijarên ku têne nîqaşkirin de ne. Lê ji ber ku herdu alî hev bi binpêkirina peymanê tawanbar dikin, pêşketinek di muzakereyan de nehatiye bidestxistin.