HAT ÎDÎAKIRIN KU RÊBERÊ FILISTÎNÎ MERVAN BARGUTÎ LI ZINDANA ÎSRAÎLÊ BI MOŞEKA PLASTÎK HATE BIRÎNDARKIRIN

Hat îdiakirin ku rêberê Filistînî yê girtî Mervan Bargutî li zindana ku li Îsraîlê tê girtin bi moşeka plastîk a ku aliyê gardiyanekê ve hate avêtin ji lingê xwe birîndar bûye. Malbata Bargutî îdia kir ku piştî bûyerê alîkariya tibbî ya pêwîst jê re nehatiye kirin, lê Rêveberiya Zindanên Îsraîlê van îdîayan red kir.

Fedwa Bargutî, jina Bargutî, di daxuyaniyekê de li ser hesabê xwe yê medyaya civakî got ku gardiyanekê bi moşeka plastîk lingê mêrê wê xist û di encamê de xwînrijandin û êşên giran derketin holê.

Kurê wî, Arab Bargutî, jî got ku bûyer hefteya borî li Zindana Ganot a li Çola Necefê pêk hat. Wî got ku malbat bi rêya parêzerê xwe ji bûyerê agahdar bû û piştî bûyerê tu dermankirina tibbî ji bo bavê wî nehatiye kirin.

Parêzerê Bargutî, Avigdor Feldman, jî got ku muwekîlê wî di dema civînê de ragihandiye ku ji lingê xwe hate gulebarankirin û ji bo vê yekê serî li rêveberiya zindanê daye.

Rêveberiya Zindanên Îsraîlê van îdîayan “bêbingeh” binav kir û got ku hemû prosedur di çarçoveya qanûnê û bin çavdêriya dadweriyê de têne meşandin.

Di heman demê de Yekîtiya Ereban bang kir ku ji bo lêkolîna îdîayên êrîşên li dijî Bargutî komîsyoneke navneteweyî ya serbixwe were avakirin. Bargutî yê 67 salî ji sala 2002’an ve di zindana Îsraîlê de ye û wekî yek ji berendamên cîgirtiya Mahmud Abbas tê nîşandan.