DYE LI SER XWEPÊŞANDANÊN LI ÎRANÊ RAWESTIYE

Rêveberiya Dewletên Yekbûyî yên Amerîkayê daxuyand ku ji bo nirxandina gavên gengaz li hember xwepêşandanên dijî rejîmê yên li Îranê berdewam in, amade ye civînekî girîng pêk bîne. Tê gotin ku Serokê Dewletên Yekbûyî Donald Trump dê roja sêşemê bi berpirsên bilind ên ewlehî û siyaseta derve re civînekê li ser dosyeya Îranê bike.

Çavkaniyên Amerîkayî yên ku bi Jerusalem Post re axivîn, gotin ku ev civîn “girîng û biryardar” e. Di civînan de dê were nirxandin ku ABD dikare bi kîjan rêbaz û awayan xwepêşandanên li Îranê piştgirî bike. Yek ji wan çavkaniyan diyar kir ku Trump dixwaze di vê qonaxê de hemû senaryoyên gengaz û pêşniyarên dawî bibîne.

Li gorî çavkaniyên Amerîkayî, Îsraîlî û hin welatên Ewropî, Trump bi giştî biryar daye ku piştgirî ji xwepêşandanên li Îranê re bide. Lêbelê hîn çarçoveyek zelal li ser dem, mezinahî û awayê vê piştgiriyê nehatiye destnîşankirin. Çavkaniyan destnîşan kir ku vebijarkên li ser maseyê bi şert nîne ku bi rêya mîlîtêrî ya rasterast were bicîhkirin.

Berdevkê Qesra Spî Karoline Leavitt jî di bernameyek televîzyonê de got ku Trump vebijarka bikaranîna hêza leşkerî red nake, lê pêşî li rêça çareseriya dîplomatîk dide. Leavitt got: “Hemû vebijark li ser maseyê ne,” û zêde kir ku êrişên hewayî jî di nav senaryoyên ku tên nirxandin de ne. Wî her weha got ku peyamên ku berpirsên Îranî bi rêyên taybetî ji ABD re şandin, bi gotinên tund ên ku Tahran di gel raya giştî re bikar tîne, hev nagirin.

Di heman demê de, nirxandinên ewlehiyê hişyarî dikin ku rêxistina dewleta Îranê dibe ku di 24 heta 48 saetan de ji bo qedexekirina xwepêşandanan hêza tund û bêhevseng bikar bîne. Ev rewş dikare bibe sedema windahiyên mezin ên jiyanê.

Ev pêşketin li Îsraîlê jî bi baldarî tê şopandin. Tê ragihandin ku Serokwezîrê Îsraîlê Binyamin Netanyahu roja duşemê bi mijara Îranê civînek ewlehiyê pêk aniye. Her çend di rêveberiya Îsraîlê de li hember ihtîmala danûstendinên ABD û Îranê hin loqandinan hebin jî, Tel Aviv hêj li ber raya giştî helwestekî zelal nake û bi xweşbînî rêveberiya pêvajoyê li destê rêveberiya Trump hiştîye.