DYA ENDEMEKÎ IRAQ HIZBULLAHÊ BI TAWANÊN TERORÊ GIRT

Wezareta Dadê ya Dewletên Yekbûyî yên Amerîkayê (DYA) ragihand ku Muhammed Bakır Seed Davud Seedi, yek ji endamên payebilind ên Tugayên Hizbullahê yên Iraqê, li Ewropayê hate girtin û ji bo darizandinê hate birin DYA’yê. Hat diyarkirin ku Seedi dê ji ber êrîşên li dijî berjewendiyên Amerîkayê û çalakiyên terorê were darizandin.

Serdozgerê Herêma Başûrê New Yorkê Jay Clayton di daxuyaniyekê de got ku Seedi, ku hemwelatiyê Iraqê ye, bi gelek êrîşên li dijî DYA û hevalbendên wê re tê girêdan. Clayton diyar kir ku gumanbar niha li DYA’yê ye û dê bi şeş tawanan ên têkildarî çalakiyên terorê were darizandin.

Li gorî rayedarên Amerîkayî, tawanê sereke yê li dijî Seedi “dabînkirina piştgiriya darayî ji rêxistineke biyanî re” ye. Her wiha tê îdîakirin ku wî di planandin û piştgiriya nêzîkî 20 êrîşan de li DYA û Ewropayê rolek lîstiye.

Muhammed Bakır Seed Davud Seedi wek yek ji kesayetên payebilind ên nêzîkî Îranê di nav Tugayên Hizbullahê yên Iraqê de tê naskirin û tê gotin ku di çalakiyên operasyonel ên rêxistinê de bandoreke mezin heye.

Ev girtin di demekê de pêk hat ku Washington zexta xwe li ser komên çekdar ên piştgirîkirî ji aliyê Îranê ve zêde kiriye.