PEYAMA “AŞTÎ Û CIVAKA DEMOKRATÎK” DI KITÊBEKÊ DE HATE KOMKIRIN

Peyamên piştgiriyê yên navneteweyî yên ku ji bo “Peyama Aştî û Civaka Demokratîk” a 27’ê Sibata 2025’ê hatine dayîn, di formata pirtûkê de hatin berhevkirin. Ev xebat wekî arşîvek girîng a nîqaşên aştiyê û demokrasiyê tê dîtin.

Piştî bangewaziya ku ji aliyê Abdullah Öcalan ve hat kirin, gelek entelektuelên navdar ên cîhanê wek Edgar Morin, Alain Badiou, Gayatri Spivak, Nancy Fraser, Angela Davis û Giorgio Agamben piştgirî da kampanyaya navneteweyî.

Di sala yekem a bangewaziyê de, ji aliyê 33 kesên navdar ve deklarasyonek bi navê “Umut Hakkı ji bo Abdullah Öcalan” hat weşandin.

Ji bo parastina van daxuyaniyan, pirtûka “Barış ve Demokratik Toplum Çağrısı: Uluslararası Yankılar’dan ‘Umut Hakkı’ İlkesi’ne” ji aliyê Belge Yayınları ve hat weşandin. Di pirtûkê de, peyama bangewaziyê, daxuyaniyên piştgiriyê, deklarasyona “Umut Hakkı” û nivîsên Mithat Sancar û Meral Danış Beştaş cih digirin.

Ev pirtûk her wiha ji bo qurbaniyên 10ê Cotmehê 2015’ê û Sırrı Süreyya Önder hatiye ithafkirin.