CNN: AMERÎKA Û ÎRANÊ DÊ DUŞEMÊ LI ÎSLAMABADÊ DÎSA LI MASÊ RÛNIN

Li gorî nûçeya CNNê, heyetên Amerîka û Îranê dê di 20ê Nîsanê de li paytexta Pakistanê, Îslamabadê, dîsa ji bo muzakereyên nû li hev werin.

Li gorî agahdariyên ji aliyê yekî fermandarê Îranî ve, her du alî dê ji bo tureke nû ya muzakereyan li hev civînin, lê di derbarê demê civînê de hîn jî agahî nehat dayîn.

Di tura yekem a li Îslamabadê de, ti rêkeftinek nehate gihîştin. Piştî êrîşên ku di 28ê Sibatê de ji aliyê Amerîka û Îsraîlê ve li dijî Îranê hatin destpêkirin, di 8ê Nîsanê de agirbestek hat ragihandin.

Di 11ê Nîsanê de, bi navbeynkariya Pakistanê, her du alî li Îslamabadê li ser maseyê rûniştin, lê muzakere bê encam ma.

Cîgirê Serokê Amerîkayê JD Vance got ku muzakere bêyî peymanek qediya, dema ku Îranê Amerîka bi daxwazên zêde sûcdar kir.

Niha tê hêvî kirin ku ev tura nû di mijarên wekî bernameya nukleer, cezayên aborî û ewlehiya herêmî de pêşketin çêbike.