DI NAVBERA ÎSRAÎL Û LÎBNANÊ DE ATEŞKESÊ 10 ROJAN DEST PÊ KIR

Bi navgîniya Dewletên Yekbûyî, di navbera Îsraîl û Lîbnanê de li ser ateşkesa 10 rojan lihevkirin hat girtin û bi fermî dest pê kir. Ev lihevkirin şerê ku bûye sedema mirina hezaran kesan û koçberbûna girseyî, bi demkî rawestand.

Serokê Dewletên Yekbûyî Donald Trump berê ev lihevkirin ragihandibû. Li gorî agahdariyan, şer bûye sedema koçberbûna zêdetirî 1,2 milyon kesan û mirina zêdetirî 2 hezar kesan.

Trump li ser Truth Social daxuyand ku piştî civînên wî bi serokwezîrê Îsraîlê Benjamin Netanyahu û serokê Lîbnanê Joseph Aoun re, her du alî li ser ateşkê lihev hatin. Wî her du lideran vexwend ku li Qesra Spî civînin.

Serokê Lîbnanê Aoun ev ateşkes bi dilxweşî pêşwazî kir, lê Netanyahu wê wekî “fersendeke dîrokî” ji bo aştiyê binav kir. Lêbelê wî diyar kir ku hêzên Îsraîlê dê di dema ateşkê de ji Başûrê Lîbnanê nekişin.

Berî ku ateşkes bi fermî dest pê bike, li navbera Îsraîl û Hizbullahê êrîşên hevûdu dom kirin. Her du alî gotin ku di rewşên binpêkirinê de mafê xweparastinê diparêzin.

Îran jî ev ateşkes bi dilxweşî pêşwazî kir. Gotarvanê Wezareta Derve ya Îranê İsmail Bekayi diyar kir ku ev pêvajoyek e ku li ser astê herêmî jî bandor dike.

Wî got ku divê sivîlên koçber vegerin malên xwe û hêzên Îsraîlê bi temamî ji Başûrê Lîbnanê vekişin.