ÊRÎŞEK LI SER ARAÇA HÊZÊN HTŞ: 10 KES BIRÎNDAR BÛN

Li ser riya navbera Til Temir û Serêkaniyê, êrîşeke çekdarî li ser otomobîlek ku hêzên hikûmeta demkî ya Sûriyeyê dihewand hat kirin. Di êrîşa ku di saetên sibehê de pêk hat de, li gor agahiyên destpêkê 10 kes birîndar bûn.

Li gor çavkaniyên herêmî, armanca êrîşê otomobîla ku kesên bi HTŞ ve girêdayî dihewand bû. Birîndar ji bo tedawiyê hatin şandin navendên tenduristiyê yên herêmê, û hêzên ewlehiyê li cihê bûyerê lêkolîn dest pê kirin.

Heta niha kes an jî komeleya ku êrîş pêk aniye nehatiye nas kirin û tu alîkî jî berpirsiyariya êrîşê negirtiye ser xwe.

Hikûmeta demkî ya Sûriyeyê jî heta niha di derbarê bûyerê de daxuyaniyek fermî nekiriye. Hatiye ragihandin ku piştî êrîşê tedbîrên ewlehiyê li herêmê hatine zêdekirin û lêpirsîn berdewam e.