LI AMEDÊ “NOBETA JINAN, DAD Û BÎRANÎNÊ” DEST PÊ DIKE

Tora Amedê ya Têkoşîna li Dijî Şîdetê, ji bo bala kişandina ser kuştinên jinan ên zêde dibin, daxwaza dadê ya jinan xuyatir bike û çîrokên jinên ku jiyana xwe ji dest dane neyên jibîrkirin, “Nobeta Jinan, Dad û Bîranînê” dest pê dike. Nobet ji sibê ve dê 10 hefteyan, her sêşemê li ber Dadgeha Diyarbakirê bê lidarxistin.

Berfin Elçi, parêzer û endama Desteya Rêveber a Şaxa Amedê ya ÎHDyê, bal kişand ser girîngiya têkoşîna rêxistinkirî û got ku divê kuştinên jinan tenê wekî daneyên hejmarî neyên nirxandin. Elçi diyar kir ku jiyan û xewnên jinan tên nîvco hiştin û got ku wan ji bo xuyakirina vê rastiyê û nîşandana ku jin hatine jibîrkirin, ev nobet dest pê kir.

“TÊKOŞÎNA RÊXISTINKIRÎ GIRÎNG E”

Elçi, bal kişand ser zêdebûna kuştinên jinan û got ku hin bûyer tenê wekî daneyên îstatîstîkî tên nirxandin, ev jî dibe sedem ku tiştên ku jin jiyane neyên dîtin. Wê diyar kir ku wekî jin û sazîyên jinan dizanin ku li pişt van mirinan jiyanên nîvcohatiyê hene.

Elçi li dijî ku hin mirinên jinan ji aliyê hêzên ewlehiyê, jandarma û yekîneyên dadgehê ve di qonaxa destpêkê de wekî “xwekuştinê” tên nirxandin, nerazîbûna xwe anî ziman. Wê got ku nebûna lêkolîna bi bandor dibe sedem ku gelek bûyer wekî “mirina jinên gumanbar” di qeydên fermî de bên tomar kirin. Li gorî Elçî, bi lêkolîna bi bandor û berhevkirina delîlan dikare ev bûyer bên ronîkirin. Wê herwiha got ku ji bo rawestandina kuştinên jinan, vegerandina Peymana Stenbolê û sepandina biryarên Dadgeha Mafên Mirovan a Ewropayê, têkoşîna rêxistinkirî girîng e.

HER SÊŞEMÊ LI BER DADGEHÊ

Elçi diyar kir ku armanca nobetê tenê daxwaza cezakirina sûcdaran nîne; herwiha divê tiştên ku jin jiyane di bîranîna civakî de bêne parastin û hesab ji xemsariyan bê pirsîn.

Elçi bang li hemû jinên hestiyar kir ku beşdarî “Nobeta Jinan, Dad û Bîranînê” bibin. Wê diyar kir ku nobet dê her sêşemê saet 12.30ê li ber Dadgeha Diyarbakirê bê lidarxistin û dê 10 hefteyan li heman roj, dem û cihê bidome.