MÎTHAT SANCAR LI PARLAMENTOA EWRÛPAYÊ AXIVÎ: “PÊVAJO DIVÊ LI PARLAMENTOYÊ Û LI SER BINGEHA HUKÛQÎ BIÇE PÊŞ”

Di Avrupa Parlamentosu de di konferansekê de ku li ser pêvajoya diyalogê ya di navbera Tirkiyeyê û Kurdan de hate lidarxistin, endamê Heyeta Îmralî ya DEM Partiyê Mithat Sancar got ku ji bo ku ev pêvajo bigihîje aştiya mayînde, divê di çarçoveyeke parlamenter û hukûqî de were bicîhkirin.

Konferans ji aliyê EUTCC û endama Koma S&D ya Parlamentoya Ewropayê Evin İncir ve hate organîzekirin. Axaftina vekirinê ji aliyê Dr. Dersim Dağdeviren, endamê Desteya Rêvebir a EUTCC, hate kirin. Wî pêvajoya ku bi bangewaziya Abdullah Öcalan a 27’ê Sibatê dest pê kir, wek “Pêvajoya Aştiyê û Civaka Demokratîk” binav kir û nirxandin kir.

Ji Koma S&D’ê Andreas Schieder jî di axaftina xwe de ji bo Öcalan got “Mandela yê Kurdan e” û piştgiriya xwe ji daxwazên gelê Kurd re ragihand.

“Derfetek Dîrokî”

Di moderasyona rojnamevan Amberin Zaman de, Sancar di axaftina xwe ya bi Almanî de diyar kir ku ev pêvajo ne tenê çareseriya pirsgirêkeke rûniştî ye, lê çareseriya pirsgirêkeke bingehîn û kûr e. Wî got armanca wan vekirina rêyên çareseriyê û avêtina gavên pêwîst e. Sancar diyar kir ku pêvajo li ser sê stûnên bingehîn hatiye avakirin û niha di qonaxa yekem de ne.

Wî got ku armanc avakirina aştiya mayînde ye û gavê din divê ev pêvajo li Meclîsa Mezin a Tirkiyeyê were gotûbêjkirin û li ser bingeha siyasî û hukûqî were danîn. Wî diyar kir ku hemû alîyên pirsgirêkê niha divê li asta siyasî bên nîqaşkirin û got: “Li pêşiya me hîn gelek tişt hene ku divê bên kirin. Lê divê em bizanin ku ev pêvajo ji bo Kurdan derfetek dîrokî ye.”

“Ne Tenê Ji Bo Yek Aliyî, Lê Ji Bo Hemû Herêmê Girîng e”

Sancar got ku krîz û dijwarî di xwezaya van pêvajoyan de ne. Lê her wiha bal kişand ku ev pêvajo ne tenê ji bo Tirkiyeyê an Kurdan, lê ji bo hemû herêmê girîng e. Wî got ku avakirina hawîrdoreke ewleh û stabîl ne tenê maneya aştiyê heye, lê ji bo Tirkiyeyê û herêmê jî gava ber bi azadiyê ve ye.

Sancar got: “Bê aştiyê demokrasiya tune ye.” Wî diyar kir ku aşti û demokrasiya bi hev ve girêdayî ne û yek bê yê din pêk nayê.

“Pirsgirêk Divê Di Çarçoveyeke Rast de Were Danîn”

Di konferansê de Dr. Ayhan Işık jî axivî û li ser pêvajoyên berê yên çareseriyê rawestand. Wî bîranîn kir ku di salên 2013–2015’an de gelek aktor di pêvajoyê de beşdar bûn. Wî got ku îro hejmara aktoran kêm bûye û pirs kir ka ev rewş ji bo çareseriyê derfet e yan jî hewldanek e ku pirsgirêk bê gotûbêjkirin were derbas kirin.

Işık diyar kir ku di muzakereyên berê de hebûna pirsgirêkê bi awayekî têr nehat qebûlkirin û ji bo çareseriyeke mayînde divê mesele di çarçoveyeke rast a siyasî û hukûqî de were danîn.

Konferans bi beşa pirs û bersivê dawî bû. Sancar bersiva pirsên beşdaran da.