RAGIHANDINA MSBÊ DER BARÊ BAKUR Û ROJAVA SÛRIYÊ DE: PEYAMA PIŞTGIRÎYÊ JI BO RÊVEBERIYA ŞAMÊ

Wezareta Parastina Neteweyî ya Tirkiyê (MSB) di civîna xwe ya dawî ya agahdarkirina çapemeniyê ya salê de, li ser Bakur û Rojava Sûriyê daxuyaniyeke bi gotinên tûj derxist holê.

Di daxuyaniyê de daxwazên demokratîk û aştiyane yên li Bakur û Rojava Sûriyê hatin wekî xetereke nîşan dan. MSB iddia kir ku Hêzên Sûriya Demokratîk (SDG) hê jî daxwazên xwe yên ademî-merkezîyet û federalîzmê bidomînin û di derbarê entegrasyona bi desthilata navendî re gavên bihêz neavêtine. Li gorî MSBê, ev helwest li dijî yekîtî û aramiya Sûriyê ye.

Di daxuyaniyê de tu gotin li ser êrîş û sûcên rêveberiya HTŞ ya ku li Şamê hate ser kar nehatin bikaranîn, lê li hember wê, rêxistina Şamê hat teşwîq kirin ku li dijî Bakur û Rojava Sûriyê gavên nû bavêje.

MSB di daxuyaniyê de got ku di çarçoveya prensîba “Yek Dewlet, Yek Artêş” de bi hukûmeta Sûriyê re hevkariya nêzîk bidomîne û pêvajoya entegrasyonê bi baldarî bişopîne. Wezaretê destnîşan kir ku heke hukûmeta Sûriyê ji bo parastina yekîtî û tevahîya welêt inîsiyatîvek bistîne, Tirkiye dê piştgirîya wê bike.