ENCAMEDARÊ SEROKATIYÊ YÊ PARLAMENTOYA HERÊMA KURDISTANÊ HAT HILBIJARTIN

Li Parlamentoya Herêma Kurdistanê, tevî boykota hin partiyên siyasî, endamên Encumena Serokatiyê hatin hilbijartin. Di hilbijartinê de Vala Ferîd wekî Seroka Parlamentoyê, Ramî Nûrî wekî Cîgirê Serokê Parlamentoyê û Muna Qehweçî jî wekî Sekreterê Parlamentoyê hatin hilbijartin.

Ji ber ku di navbera partiyên siyasî de li ser parvekirina wezarethanê peymanek nehatiye çêkirin, YNK, Tevgera Nifşa Nû, Civata Dadê (Komela Dadgerî) û hin partiyên din civîna îroyîn a parlamentoyê boykot kirin.

Di civînê de 53 parlamenter amade bûn. Piştî ku hejmara parlamenterên amade gihîşt asta pêwîst a 50+1, hilbijartinên Serokatiya Parlamentoyê û Sekreteriya Parlamentoyê hatin kirin.

Di encama dengdanê de Vala Ferîd wekî Seroka Parlamentoya Herêma Kurdistanê, Ramî Nûrî wekî Cîgirê Serokê Parlamentoyê û Muna Qehweçî wekî Sekreterê Parlamentoyê hatin hilbijartin.